- జిల్లా కేంద్రాల్లో వేడుకలకు హాజరైన మంత్రులు, ప్రజాప్రతినిధులు
- అలరించిన విద్యార్థుల సాంస్కృతిక కార్యక్రమాలు
- ఉత్తమ అవార్డుల అందజేత
78వ స్వాతంత్య్ర దినోత్సవం సందర్భంగా ఉమ్మడి జిల్లా వ్యాప్తంగా మువ్వన్నెల జెండాలు రెపరెపలాడాయి. గురువారం వాడవాడలా స్వాతంత్ర్య దిన వేడుకలను ఘనంగా నిర్వహించారు. ఈ సందర్భంగా ప్రభుత్వ, ప్రైవేటు కార్యాలయాల్లో త్రివర్ణ పతాకాలను ఎగురవేసి సెల్యూట్‌ చేశారు. స్వాతంత్య్ర సమరయోధుల సేవలను కొనియాడారు. జిల్లా కేంద్రాలైన వరంగల్ లో రెవెన్యూ, జిల్లా ఇన్చార్జి మంత్రి పొంగులేటి శ్రీనివాస్రెడ్డి, హనుమకొండలో దేవాదాయ శాఖ మంత్రి కొండా సురేఖ, ములుగులో పంచాయతీ శాఖ మంత్రి సీతక్క, జనగామలో ప్రభుత్వ విప్, ఆలేరు ఎమ్మెల్యే బీర్ల అయిలయ్య
మహబూబాబాద్లో ప్రభుత్వ విప్, డోర్నకల్ ఎమ్మెల్యే జాటోతు రామచంద్రు నాయక్, జయశంకర్భూపాలపల్లి జిల్లాలో రాష్ట్ర అటవీ అభివృద్ది సంస్థ చైర్మన్ పొదెం వీరయ్య జెండా ఎగురవేశారు. అనంతరం పోలీసుల గౌరవ వందనం స్వీకరించారు. స్వాతంత్ర్య సమరయోధులను సన్మానించారు. వివిధ శాఖల ఆధ్వర్యంలో ఏర్పాటు చేసిన స్టాల్స్ లను పరిశీలించారు. బెస్ట్ఎంప్లాయీస్కి అవార్డులు అందజేశారు.
అనంతరం ఆయా ప్రభుత్వ, ప్రైవేటు పాఠశాలల స్టూడెంట్లు చేపట్టిన సాంస్కృతిక కార్యక్రమాలు అలరించాయి. అదేవిధంగా నియోజకవర్గ కేంద్రాల్లో స్థానిక ఎమ్మెల్యేలు, ఇతర ప్రజాప్రతినిధులు, పార్టీ నేతలు, అధికారులు తదితరులు పాల్గొన్నారు. - వెలుగు, నెట్వర్క్
