మరో ఏడుగురికి గాయాలు.. మహారాష్ట్రలో ఘటన
ముంబై: మహారాష్ట్రలో ఘోర ప్రమాదం చోటుచేసుకుంది. వేగంగా వెళ్తున్న ట్రక్కు ప్యాసింజర్లతో వెళ్తున్న ఆటోను ఢీకొట్టడంతో ఎనిమిది మంది మృతి చెందారు. మరో ఏడుగురికి గాయాలయ్యాయి. ఆదివారం మధ్యాహ్నం రత్నగిరి జిల్లా దపోలి -హర్నై రోడ్‌‌‌‌‌‌‌‌లోని అసుద్ వద్ద ఈ యాక్సిడెంట్జరిగింది. 15 మంది ప్యాసింజర్లతో హర్నై నుంచి దపోలి వైపు వెళ్తున్న ట్రక్కు.. రాంగ్ రూట్లో వెళ్తూ త్రీవీలర్ ఆటోను ఢీకొట్టడంతో ఈ ప్రమాదం జరిగిందని పోలీసులు తెలిపారు.
ALSO READ:తప్పు చేస్తే శిక్ష అనుభవించాల్సిందే.. పొంగులేటిపై పువ్వాడ పరోక్ష కామెంట్స్
ఐదుగురు ప్రయాణికులు స్పాట్లోనే చనిపోగా, మరో ముగ్గురు ఆసుపత్రిలో మరణించారని చెప్పారు. కాగా, ప్రమాదం విషయం తెలిసి బాధిత కుటుంబాలకు మహారాష్ట్ర సీఎం ఏక్‌‌‌‌‌‌‌‌నాథ్ షిండే సంతాపం తెలిపారు. మరణించిన వారి కుటుంబాలకు సీఎం రిలీఫ్ ఫండ్ నుంచి రూ.5 లక్షల చొప్పున ఎక్స్‌‌‌‌‌‌‌‌గ్రేషియా ప్రకటించారు.
