- 300 చదరపు మీటర్ల ఇండ్లలో జరిపిన పరిశీలనలో వెల్లడి
- వాటర్బోర్డు ఆదేశాల తర్వాత 22 వేల ఇంకుడు గుంతల నిర్మాణం
- ఇక ఇంకుడు గుంత లేని ఇంటి నుంచి ట్యాంకర్బుక్ చేస్తే చార్జీ వసూలు
హైదరాబాద్సిటీ, వెలుగు: గ్రేటర్ పరిధిలో 300 చదరపు మీటర్లు ఇండ్లలో 80 శాతం ఇంకుడు గుంతలు లేవని వాటర్బోర్డు అధికారులు గుర్తించారు. ఇటీవల సర్వే చేయగా 42 వేల ఇండ్లల్లో అసలు ఇంకుడు గుంతలే లేవని తేలింది. 200 చదరపు మీటర్ల విస్తీర్ణంలో ఉన్న ఇండ్లను కూడా పరిగణలోకి తీసుకుంటే ఈ సంఖ్య మరో 20వేలకు పెరుగుతుంది.
గత వేసవిలో బోర్లు ఎండిపోవడంతో మంచినీటికి డిమాండ్ఏర్పడి తీవ్ర ఎద్దడి ఎదుర్కోవాల్సి వచ్చింది. దీంతో వాటర్బోర్డు ఈ వర్షాకాలం నాటికైనా భూగర్భ జలాలు పెంచాలన్న లక్ష్యంతో 300 చదరపు మీటర్లు ఉన్న ఇండ్లకు ఇంకుడు గుంతలు తప్పనిసరి చేస్తూ నిర్ణయం తీసుకుంది. తర్వాత సర్వే చేయగా, 22వేల మంది ఇంకుడు గుంతలు నిర్మించుకుంటున్నారని తేలింది.
అలాగే ఇంకుడు గుంతలు లేని 14వేల ఇండ్లకు నోటీసులిచ్చామని రెయిన్వాటర్హార్వెస్టింగ్సెల్ఆఫీసర్జాలా సత్యనారాయణ తెలిపారు. రూ. 40 నుంచి రూ. 50వేలు మాత్రమే ఖర్చవుతుండడంతో జనాలు ఆసక్తి చూపిస్తున్నారని, త్వరలో 200 చదరపు మీటర్ల విస్తీర్ణంలో ఉన్న ఇండ్లకు కూడా ఇంకుడు గుంతలు తప్పనిసరి చేస్తామని చెప్పారు.
వేసవిలో నీటి ట్యాంకర్లకు రెట్టింపు ధర
ఇంకుడు గుంతలు నిర్మించుకోని వారు ఎండాకాలంలో నీటి ట్యాంకర్లను బుక్చేసుకుంటే రెట్టింపు చార్జీలు వసూలు చేయాలని వాటర్బోర్డు నిర్ణయించింది. ఈనిర్ణయాన్ని అమలు చేసేందుకు ప్రస్తుతం బోర్డు అధికారులు నిర్వహిస్తున్న సర్వేల ఆధారంగా ఇంకుడు గుంతలు నిర్మించుకోని వారి క్యాన్నెంబర్లు, అడ్రస్లను కంప్యూటరైజ్ చేస్తున్నట్టు తెలిపారు. మార్చి తర్వాత వారు ఎప్పుడు వాటర్ట్యాంకర్బుక్చేసుకున్నా బుకింగ్చేస్తే వారింట్లలో ఇంకుడు గుంత ఉన్నదీ లేనిదీ తెలిసిపోతుందని, దానిని బట్టి వారి నుంచి ట్యాంకర్ ఛార్జీలను వసూలు చేస్తామని తెలిపారు.
ఎండిపోయిన బోర్లపై ఫోకస్
భూగర్భ జలాలను పెంచడానికి సిటీలో నిరుపయోగంగా ఉన్న హ్యాండ్ బోర్వెల్స్ను ఇంజెక్షన్బోర్వెల్స్గా మార్చే పనిలో వాటర్బోర్డు అధికారులు ఉన్నారు. పాడైన బోర్వెల్ను మరో 200 అడుగుల వరకూ తవ్వి దాని చుట్టూ ఇంకుడు గుంత నిర్మిస్తే వర్షాకాలంలో వరద అందులోకి వెళ్లి భూగర్భ జలాలు పెరిగే అవకాశం ఉంటుందంటున్నారు. ఇలాంటివి గ్రేటర్ లో 3,222 గుర్తించామని వాటర్బోర్డు ఎండీ అశోక్రెడ్డి తెలిపారు. కోర్‌ సిటీలో 1,665, శివార్లలో 1,557 ఉన్నాయన్నారు.
