భద్రాచలం, వెలుగు : భద్రాచలంలో 90 కిలోల గంజాయిని పట్టుకున్నారు. స్పెషల్టాస్క్ఫోర్స్, ఎన్ఫోర్స్మెంట్, టాస్క్ ఫోర్స్, స్థానిక పోలీసుల ఆధ్వర్యంలో శుక్రవారం భద్రాచంలో రెండుచోట్ల గంజాయిని స్వాధీనం చేసుకున్నారు. భద్రాచలంలోని చెక్పోస్ట్వద్ద వెహికల్స్చెక్చేస్తుండగా నిర్మల్ జిల్లాకు చెందిన ఎస్.కె.అద్నన్, అబ్బు, ముంబైకు చెందిన షఫీఉల్లా, ముస్తాక్ మహ్మద్ ఖాన్, ఎస్.కె.అఫ్తక్, ముస్తాక్ పోలీస్స్టిక్కర్లు ఉన్న షిఫ్ట్కారులో వచ్చారు.
ఆపి చెక్చేయగా కారులో 80కిలోల500 గ్రాముల గంజాయి దొరికింది. ఒడిశాలోని మల్కన్గిరిలో కొని ముంబై తరలిస్తున్నట్లు గుర్తించారు. నిందితులను అదుపులోకి తీసుకుని, కారు, గంజాయిని స్వాధీనం చేసుకున్నారు. పెద్దపల్లికి చెందిన తీగల శశి, దేవి రవితేజ ఒడిశాలోని మల్కన్గిరి నుంచి బైక్పై 9 కిలోల 700 గ్రాముల తీసుకొస్తూ పోలీసులకు చిక్కారు. రెండు ఘటనల్లో మొత్తం 90 కిలోల 200 గ్రాముల గంజాయిని పట్టుకున్నట్లు ఆబ్కారీ పోలీసులు ప్రకటించారు.
