కోల్కతా: గ్లోబల్ బ్యాంకింగ్ క్రైసిస్ ఎఫెక్ట్ మన దేశంలోని బ్యాంకులపై పడదని, ఎందుకంటే మన బ్యాంకులు ఎక్కువగా రిటెయిల్ డిపాజిట్లపైనే ఆధారపడతాయని యూకో బ్యాంక్ ఎండీ సోమ శంకర ప్రసాద్ చెప్పారు. మన దేశంలోని బ్యాంకుల డిపాజిట్లలో 90–95 శాతం రిటెయిల్ డిపాజిట్లేనని పేర్కొన్నారు.
ఈ డిపాజిటర్లందరూ దేశంలోని వివిధ ప్రాంతాలకు చెందినవారని వివరించారు. అమెరికాలోని రెండు బ్యాంకులు, ఆ తర్వాత క్రెడిట్స్వీస్ సమస్యలతో గ్లోబల్గా బ్యాంకింగ్ క్రైసిస్ తలెత్తింది. ఈ ఎఫెక్ట్ వల్ల మన పబ్లిక్ సెక్టార్ బ్యాంకులకు ఎలాంటి ముప్పూ లేనేలేదని శంకర ప్రసాద్ వెల్లడించారు. లోన్పోర్ట్ఫోలియోలలో కూడా రిటెయిల్ లోన్ల వాటా 60 శాతం దాకా ఉంటుందని పేర్కొన్నారు. మన దేశంలో రూ. 5 లక్షల దాకా డిపాజిట్లకు గ్యారంటీ ఉందని, ఇది సరిపోతుందని అన్నారు.
పశ్చిమ దేశాల తరహాలో మన దేశంలోని బ్యాంకింగ్కు సమస్యలు వచ్చే అవకాశాలు లేవని పేర్కొన్నారు. ఆ దేశాలలో బ్యాంకులు కుప్పకూలడం సాధారణమని చెప్పారు. గత 10, 15 ఏళ్ల కాలంలో మన దేశంలో ఒక్క బ్యాంకు ఫెయిలవడానికి కూడా ఆస్కారం ఇవ్వని విషయాన్ని శంకర ప్రసాద్ గుర్తు చేశారు.
