అతను అంధ విద్యార్థి. అలా అని అతను బాధపడలేదు. తన ప్రతిభనే కొలమానంగా తీసుకుని కష్టపడ్డాడు. ఎన్ని ఎదురుదెబ్బలు తగిలినా బెదరలేడు. అతనే నెల్లూరు కి చెందిన పొంగూరు భాను. ప్రస్తుతం బాచుపల్లిలో నివసిస్తుండగా, ఇంటర్మీడియట్ని దగ్గర్లోని శ్రీచైతన్య కళాశాలలో పూర్తి చేశాడు. ఇటీవల నిర్వహించిన జేఈఈ మెయిన్స్ 2023 పరీక్షలో అతను 98.93 శాతం మార్కులతో ఆల్ ఇండియా ఫిజికల్ హ్యాండీక్యాప్డ్ ఓబీసీ కేటగిరీలో 8 వ ర్యాంకు సాధించాడు.
కంప్యూటర్ సైన్స్ అంటే ఇష్టం...
తనకు కంప్యూటర్ సైన్స్ అంటే ఎంతో ఇష్టమని ఆ విభాగంలో సరికొత్త ఆవిష్కరణలు తీసుకు రావడమే లక్ష్యంగా ముందుకు వెళ్తానని అంటున్నాడు. భాను కాలేజీలో చేరినప్పుడే తన లక్ష్యాన్ని వివరించాడని అందుకు అనుగుణంగానే తాము కూడా విద్యార్థి కి వెన్నంటే నిలిచినట్టు డీన్ రవి వెల్లడించారు. ప్రిన్సిపల్ హరి బాబు తో పాటు సిబ్బంది పాల్గొన్నారు.
