మాక్లూర్, వెలుగు: కుక్కకాటుకు ఐదేండ్ల బాలుడు మృతిచెందిన ఘటన మాక్లూర్ పీఎస్పరిధిలో జరిగింది. పోలీసులు తెలిపిన ప్రకారం కల్లడి గ్రామానికి చెందిన హర్షవర్ధన్(5) డిసెంబరు 25న తన తాత ధర్మన్నతో కలిసి పొలానికి వెళ్తున్నాడు. ఈ క్రమంలో ఒక గొర్రెల కాపరికి చెందిన కుక్క బాలుడిని కరిచింది. కుటుంబ సభ్యులు వెంటనే జిల్లా కేంద్రంలోని హాస్పిటల్కు తీసుకెళ్లారు.
ట్రీట్మెంట్పొందుతున్న హర్షవర్ధన్కు ఈ నెల 3 నుంచి తీవ్ర విరేచనాలతో పాటు, జ్వరం వచ్చింది. మెరుగైన ట్రీట్మెంట్కోసం హర్షవర్ధన్ను ఆదివారం రాత్రి హైదరాబాద్కు అంబులెన్స్లో తీసుకెళ్తుండగా మార్గమధ్యలో చనిపోయాడు. సోమవారం గ్రామంలో అంత్యక్రియలు చేశారు.
