చండీగఢ్: మొహాలి జిల్లాలో కుప్పకూలిన బిల్డింగ్ శిథిలాల నుంచి మరొకరి మృతదేహం బయటపడింది. దీంతో మొత్తం మృతుల సంఖ్య రెండుకు చేరుకుంది. శనివారం సాయంత్రం పంజాబ్రాష్ట్రం మొహాలి జిల్లా సోహనాలో మూడంతస్తుల అపార్ట్మెంట్ ఉన్నట్టుండి కూలిపోయింది. శిథిలాల కింద ఐదుగురు చిక్కుకున్నట్టు స్థానికులు చెప్తున్నారు. సమాచారం అందగానే ఎన్డీఆర్ఎఫ్, స్టేట్ రెస్క్యూ టీమ్స్, పోలీసులు స్పాట్కు చేరుకుని సహాయక చర్యలు చేపట్టారు. శిథిలాల నుంచి తీవ్రగాయాలతో బయటపడ్డ 20 ఏండ్ల మహిళను ఆస్పత్రికి తరలించగా, ఆమె చికిత్స పొందుతూ శనివారం రాత్రి ప్రాణాలు కోల్పోయారు.
ఎక్సవేటర్లతో శిథిలాలను తొలగిస్తుండగా ఆదివారం ఉదయం 29 ఏండ్ల వ్యక్తి డెడ్బాడీ బయటపడింది. మృతుల సంఖ్య మరింత పెరగొచ్చని పోలీసులు చెప్తున్నారు. అపార్ట్ మెంట్కు పక్కనే ఉన్న జాగలో బేస్మెంట్ కోసం తవ్వకాలు జరపడంతోనే ప్రమాదం జరిగిందన్నారు. తవ్వకాలు చేపట్టిన ప్లాట్, ప్రమాదానికి గురైన అపార్ట్మెంట్ ఓనర్లపై కేసులు పెట్టినట్టు పోలీసులు తెలిపారు.
