హైదరాబాద్, వెలుగు: ప్రీ-ఇంజనీర్డ్ బిల్డింగ్ (పీఈబీ) కంపెనీ ఈ ప్యాక్ ప్రీఫ్యాబ్ కేవలం 150 గంటల్లో భవనాన్ని నిర్మించింది. ఆంధ్రప్రదేశ్‌‌‌‌‌‌‌‌శ్రీసిటీలోని మంబట్టులో ఇది ఉంది. మొత్తం 151,000 చదరపు అడుగుల విస్తీర్ణంలో ఉన్న ఈ భవనాన్ని పూర్తిగా అధునాతన ప్రీఫ్యాబ్రికేషన్ పీఈబీ టెక్నాలజీని ఉపయోగించి నిర్మించారు. ప్రాథమిక నిర్మాణం 48 గంటల్లో పూర్తయింది. ఈ విజయం గొప్ప ప్రపంచ రికార్డును నెలకొల్పిందని, గోల్డెన్ బుక్ ఆఫ్ వరల్డ్ రికార్డ్స్ గుర్తింపు దక్కిందని ఈప్యాక్ ప్రీఫ్యాబ్ ఎండీ సంజయ్ సింఘానియా చెప్పారు.
