బషీర్బాగ్, వెలుగు: బంజారాహిల్స్లో సోమవారం అర్ధరాత్రి ఓ కారు బీభత్సం సృష్టించింది. పంజాగుట్ట నుంచి బంజారాహిల్స్ వెళ్లే మార్గంలో అతివేగంతో అదుపు తప్పి డివైడర్ పైకి దూసుకెళ్లింది. ఎయిర్ బెలూన్స్ ఓపెన్ కావడంతో కారులోని వారికి పెను ప్రమాదం తప్పింది. అయితే, ప్రమాదం జరిగిన వెంటనే అందులోని వ్యక్తులు కారును అక్కడే వదిలేసి వెళ్లారు. స్థానికుల సమాచారంతో పోలీసులు ఘటనాస్థలాన్ని పరిశీలించారు. కారులో మద్యం బాటిళ్లను గుర్తించారు. కేసు నమోదు చేసి దర్యాప్తు చేస్తున్నారు.
