హైదరాబాద్ సిటీ కారు బీభత్సం చేసింది. జంజారాహిల్స్ రోడ్ నెంబర్ 2లో వేగంగా వెళుతున్న కారు.. అదుపు తప్పి.. పల్టీలు కొట్టుకుంటూ.. ఓ కమర్షియల్ కాంప్లెక్స్ ఎదుట పార్కింగ్ వాహనాలను ఢీకొట్టింది. ఈ యాక్సిడెంట్ సీసీ కెమెరాలో రికార్డ్ అయ్యింది. గాయపడిన కారు డ్రైవర్ ను ఆస్పత్రికి తరలించారు. ఈ ఘటన ఆగస్ట్ 31వ తేదీ తెల్లవారుజామున జరిగింది. పూర్తి వివరాల్లోకి వెళితే...
కారు వేగంగా వచ్చి కమర్షియల్ కాంప్లెక్స్ పార్కింగ్ లో ఉన్న కార్లు,ఆటోను ఢీ కొట్టి పల్టీ కొట్టింది.
హైదరాబాద్ సిటీ బంజారాహిల్స్ లో కారు పల్టీలు కొడుతూ.. పార్కింగ్ వాహనాలను ఢీకొట్టింది.. సీసీ కెమెరాలో విజువల్స్ #Hyderabad #banjayahills #telangana #car pic.twitter.com/2Ad9y8NHgo
— raghu addanki (@raghuaddanki1) August 31, 2024
ప్రమాద సమయంలో డ్రైవర్ తో పాటు ఓ కుటుంబం (భార్య, భర్త,నలుగురు పిల్లలు..) కారులో ఉంది. ఈ ప్రమాదంలోడ్రైవర్ కు తీవ్ర గాయాలవ్వగా హాస్పిటల్ కి తరలించి చికిత్స అందిస్తున్నారు. కారులోని మిగతావారు స్వల్ప గాయలతో బయటపడ్డారు.ఈ ప్రమాదంలో కాంప్లెక్స్ ముందు పార్క్ చేసిన కార్లు ఒక ఆటో నుజ్జు నుజ్జయ్యాయి. శంషాబాద్ నుంచి బంజారా హిల్స్ మీదుగా చిలకల గూడ వైపు వెళ్తుండగా ఈ ప్రమాదం జరిగింది.
డ్రైవర్ నిద్ర మత్తు, అధిక వేగం కారణంగానే ప్రమాదం జరిగినట్టు తెలుస్తోంది. విషయం తెలుసుకున్న పోలీసులు ఘటనపై కేసు నమోదు చేసి దర్యాప్తు చేస్తున్నారు.కారు డ్రైవింగ్ చేస్తున్న వ్యక్తి మైనర్ అని తెలుస్తోంది.
