- గాయపడిన రైతు
- బాన్సువాడ దవాఖానకు తరలింపు
- బీర్కూర్ మండలం బరంగెడ్గి శివారులో ఘటన
బీర్కూర్, వెలుగు: కామారెడ్డి జిల్లా బీర్కూర్ మండలం బరంగెడ్గి శివారులో శుక్రవారం రైతుపై చిరుత దాడి చేసింది. గ్రామస్తుల కథనం ప్రకారం..బరంగెడ్గి గ్రామానికి చెందిన యువ రైతు విజయ్కుమార్(19) మంజీరా శివారులో ఉన్న తన పొలంలోని నారుమడికి నీళ్లు పెట్టేందుకు వెళ్లాడు.
అయితే, అప్పటికే అక్కడ ఉన్న చిరుత విజయ్పై దాడి చేసింది. దీంతో గట్టిగా కేకలు వేయడంతో చుట్టు పక్కల ఉన్న రైతులు అరుస్తూ అక్కడికి చేరుకున్నారు. దీంతో చిరుత పారిపోయింది. గాయపడిన విజయ్ కుమార్ను బాన్సువాడ గవర్నమెంట్ హాస్పిటల్కు తరలించి చికిత్స చేయిస్తున్నారు. గ్రామస్తులు ఫారెస్టు ఆఫీసర్లకు సమాచారం అందించారు
