- వికారాబాద్ జిల్లా చౌడాపూర్ మండలంలో ఘటన
పరిగి, వెలుగు: ఓ యువకుడిపై చిరుత దాడి చేసిందనే ఘటన వికారాబాద్ జిల్లాలో చోటు చేసుకుంది. చౌడాపూర్ మండలం కొత్తపల్లి గ్రామానికి చెందిన పెంటల శేఖర్ గురువారం బహిర్భూమికి వెళ్లాడు.తనపై చిరుత పులి దాడి చేసిందని స్వల్ప గాయాలైన శేఖర్ భయంతో పరుగన వచ్చి గ్రామస్తులకు చెప్పాడు.
దీంతో గ్రామస్తులు కూడా భయాందోళనలో పడ్డారు. కొద్దిరోజుల కిందట అటవీ ప్రాంతంలో వృద్ధ చిరుత మృతి చెందింది. కాగా ఇప్పుడు మరో చిరుతతో గ్రామానికి చెందిన వ్యక్తిపై దాడి చేసిందనే భయంతో గ్రామస్తులు అటవీశాఖ అధికారులకు సమాచారం అందించారు.
