ఎల్బీనగర్, వెలుగు: మిఠాయి వాలా షాపులో చాట్ తీసుకుంటే అందులో బొద్దింక దర్శనమిచ్చింది. వనస్థలిపురంలో నివాసం ఉంటున్న రవి తన భార్యాపిల్లల కోసమని శుక్రవారం సాయంత్రం పనామా వద్ద ఉన్న మిఠాయి వాలా దుకాణంలో చాట్ తీసుకెళ్లాడు. ఇంటికి వెళ్లి సగం తిన్న తర్వాత అందులో బొద్దింక కనిపించడంతో వెంటనే షాపు వద్దకు వెళ్లి ప్రశ్నించాడు. నిర్వాహకులు నిర్లక్ష్యంగా జవాబు చెప్పడంతో ఫుడ్ సేఫ్టీ అధికారులకు ఫిర్యాదు చేసేందుకు ఫోన్లో సంప్రదించాడు. ఎన్ని సార్లు ఫోన్ చేసినా అధికారులు స్పందించకపోవడంతో బాధితుడు మీడియాను ఆశ్రయించాడు.
