ఖమ్మం టౌన్, వెలుగు : ఖమ్మం మమత రోడ్డులోని ఓ హోటల్ లో కస్టమర్లు గురునాధం, బోస్ బిర్యానీ తింటుండగా ప్లేట్ లో బొద్దింక వచ్చింది. వెంటనే యాజమాన్యం దృష్టికి తీసుకెళ్లి కస్టమర్ ఫుడ్ సేఫ్టీ అధికారి కిరణ్ కుమార్ కు ఫోన్ ద్వారా ఫిర్యాదు చేశారు. దీంతో ఆఫీసర్లు హోటల్ కు వచ్చి ఫుడ్ లోని బొద్దింకను, కిచన్ ను, ఆహార పదార్థాలను పరిశీలించారు. బొద్దింక వచ్చిన బిర్యానీ శాంపిల్ తీసుకుని ల్యాబ్ కు పంపిస్తామని, రిపోర్టు ఆధారంగా చర్యలు తీసుకుంటామని చెప్పారు.
