చౌటుప్పల్ మున్సిపాలిటీ కేంద్రంలో ఓ ట్రాఫిక్ కానిస్టేబుల్ నిర్వాకం బయటపడింది. 2023 జూలై 09 ఆదివారం రోజున అంగడి కావడంతో రోడ్డుపై మామిడికాయలు అమ్ముకుంటున్న ఓ చిరు వ్యాపారి దగ్గరికి వెళ్లి నాలుగు కిలోల మామిడికాయలు తీసుకున్నాడు ట్రాఫిక్ కానిస్టేబుల్ రాజశేఖర్. అయితే తీసుకున్న మామిడికాయలకు డబ్బులు ఇవ్వకుండా అక్కడి నుంచి వెళ్లిపోయాడు.
అయితే ఈ తతంగాన్ని మొత్తం ఓ యవకుడు మొబైల్ లో వీడియో తీసి సోషల్ మీడియాలో పోస్ట్ చేశాడు. దీంతో వీడియో వైరల్ కావడంతో ట్రాఫిక్ కానిస్టేబుల్ రాజశేఖర్ మళ్లీ ఆ వ్యాపారి దగ్గరికి వెళ్లి రెండు వందల రూపాయలను ఫోన్ పే కొట్టాడు. అనంతరం మీరు దేవుడు సారు అంటూ ఆ వ్యాపారితో చెప్పి్ంచుకున్నాడు.
