- సీపీఆర్ చేసి కాపాడిన కానిస్టేబుల్
హసన్ పర్తి, వెలుగు : రోడ్డు ప్రమాదంలో గాయపడి గుండెపోటు గురైన ఓ వాహనదారునికి సీసీఎస్ క్రైమ్ కానిస్టేబుల్ వెంకన్న సీపీఆర్ చేసి ప్రాణాలు కాపాడారు. ఈ సంఘటన హనుమకొండ జిల్లా హసన్ పర్తి మండలం ఎర్రగట్టు గుట్ట వద్ద శనివారం రాత్రి జరిగింది. స్థానికుల వివరాల ప్రకారం.. ఎర్రగట్టుగుట్ట వద్ద రెండు బైకులు ఢీకొన్నాయి. ఈ ఘటనలో ఒక వ్యక్తికి ఫిట్స్ వచ్చాయి.
తర్వాత అతను గుండెపోటుకు గురయ్యాడు. ఆ సమయంలో అటుగా వెళుతున్న సీసీఎస్ క్రైమ్ కానిస్టేబుల్ వెంకన్న.. బాధితుడి వద్దకు వెళ్లి సీపీఆర్ చేసి బతికించాడు. అనంతరం ఆ వ్యక్తిని చికిత్స నిమిత్తం ఆసుపత్రికి తరలించాడు. దీంతో అందరూ ప్రశంసించారు.
