మల్కాజిగిరి, వెలుగు: బిజినెస్లో నష్టాలు రావడంతో మధ్యప్రదేశ్కు చెందిన తండ్రీకొడుకు డ్రగ్స్స్మగ్లర్లుగా మారారు. హైదరాబాద్లోని వేర్వేరు ప్రాంతాల్లో విక్రయిస్తూ పోలీసులకు చిక్కారు. ఈ కేసుకు సంబంధించిన వివరాలను రాచకొండ సీపీ సుధీర్బాబు శనివారం నేరెడ్మెట్ లోని ఆఫీసులో వెల్లడించారు.
మధ్యప్రదేశ్ రాష్ట్రం రత్లం జిల్లా జోరాకు చెందిన హనీష్ షా అలియాస్ హనీఫ్(65)కు ఎనిమిది మంది పిల్లలు. మూడో కొడుకు సిద్దిఖ్ షా అలియాస్ సిద్దిఖ్(31). హనీష్షా స్క్రాప్, సిద్దిఖ్ షా కాస్మోటిక్స్బిజినెస్చేస్తున్నారు. కొంతకాలంగా ఇద్దరి వ్యాపారం తగ్గిపోవడంతో ఆర్థిక ఇబ్బందులు పెరిగాయి. ఎలాగైనా ఆర్థికంగా పుంజుకోవాలనే ఆలోచిస్తూ డ్రగ్స్స్మగ్లింగ్, విక్రయాన్ని ఎంచుకున్నారు.
లోకల్డ్రగ్స్స్మగర్ల ద్వారా డ్రగ్స్ఎక్కడ దొరుకుతాయో తెలుసుకున్నారు. రాజస్టాన్లోని ప్రతాప్ఘడ్ కు చెందిన మొంటు అనే డ్రగ్స్సప్లయర్నుంచి తక్కువ ధరకు హెరాయిన్కొని హైదరాబాద్కు తీసుకొస్తున్నారు. సిటీలోని వేర్వురు ప్రాంతాల్లో అధిక ధరకు విక్రయిస్తున్నారు. వారం కింద మరోసారి ప్రతాప్ఘడ్ కు వెళ్లిన తండ్రీకొడుకు మొంటు వద్ద రూ.6 లక్షలకు 10 గ్రాముల హెరాయిన్ కొన్నారు.
అక్కడి నుంచి నేరుగా హైదరాబాద్ వచ్చారు. హనీఫ్ షా, సిద్దిఖ్షాబాలాపూర్లోని ఓ రెస్టారెంటులో ఉన్నట్లు సమాచారం అందుకున్న మహేశ్వరం ఎస్ఓటీ పోలీసులు, బాలాపూర్ పోలీసులతో కలిసి రైడ్చేశారు. తండ్రీకొడుకును అదుపులోకి తీసుకుని విచారించగా, 100 గ్రాముల హెరాయిన్ దొరికింది. వారిని అరస్ట్చేసి హెరాయిన్ ను, రూ.13వేల క్యాష్, మూడు సెల్ఫోన్లు స్వాధీనం చేసుకున్నారు.
మైలార్దేవ్పల్లిలో 100 గ్రాముల ఎండీఎంఏ డ్రగ్స్ పట్టివేత
శంషాబాద్: మైలర్ దేవ్ పల్లి పరిధిలోని ఫ్రెండ్స్ కాలనీలో సైబరాబాద్ఎస్ఓటీ పోలీసులు100 గ్రాముల ఎండీఎంఏ డ్రగ్స్పట్టుకున్నారు. ముంబైకు చెందిన యువకుడితోపాటు ముగ్గురిని అదుపులోకి తీసుకున్నారు. గోవా నుంచి తీసుకొచ్చి సిటీలో విక్రయిస్తున్నట్లు గుర్తించారు. నలుగురిపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
