ఇండోర్ : వివాహ వేడుకలో వధూవరుల మధ్య జరిగిన గొడవ విషాదానికి దారితీసింది. వధూవరులు ఇద్దరూ పాయిజన్ తాగడంతో పెళ్లికొడుకు మృతిచెందగా పెళ్లికూతురు పరిస్థితి సీరియస్గా ఉంది. కనాడియా ఏరియాలోని ఆర్యసమాజ్ టెంపుల్లో వివాహ వేడుకలో గొడవ జరిగింది. మనస్తాపంతో వరుడు విషం తాగి ఈ విషయాన్ని వధువుకు చెప్పాడు. దీంతో వధువు కూడా విషం తాగింది. వీరిని వెంటనే ఆసుపత్రికి తరలించగా అప్పటికే పెండ్లికొడుకు మృతిచెందాడు.
పెండ్లికూతురు పరిస్థితి సీరియస్గా ఉండటంతో లైఫ్ సపోర్టు సిస్టమ్తో చికిత్స అందిస్తున్నారు. కాగా, పెండ్లి చేసుకోవాలని వధువు ఒత్తిడి చేయడంతోనే తమ కొడుకు పాయిజన్ తాగాడని మృతుడి తల్లిదండ్రులు చెప్పారు. కెరీర్లో స్థిరపడేందుకు రెండేండ్లు గడువు కోరినా యువతి నిరాకరించి పోలీస్ కంప్లయింట్ ఇచ్చినందుకే పెండ్లి జరిగిన అనంతరం తమ కుమారుడు సూసైడ్ చేసుకున్నాడన్నారు.
