కరీంనగర్ జిల్లా జమ్మికుంటలో విషాదం చోటుచేసుకుంది. గుండె పోటుతో 5 ఏళ్ళ చిన్నారి ఉక్కులు(5) మృతి చెందింది. అక్టోబర్ 15న స్కూల్ కు వెళ్లే క్రమంలో కళ్లు తిరుగుతున్నాయని చిన్నారి చెప్పింది. దీంతో వెంటనే ఓ ప్రైవేట్ ఆస్పత్రికి అక్కడి నుంచి హనుమకొండకు తీసుకెళ్లారు తల్లిదండ్రులు. గుండె సమస్యతో అప్పటికే మృతి చెందినట్లు చెప్పారు డాక్టర్లు.
చిన్నారి పేరెంట్స్ రాజు -జమునల స్వస్థలం జయశంకర్ భూపాలపల్లి జిల్లా టేకుమట్ల మండలంలోని పంగిడిపల్లి. కొడుకు, కూతురుతో కలిసి జమ్మికుంటలో ఉంటున్నారు దంపతులు. ఆడుతూ పాడుతూ ఉండే చిన్నారి మృతితో తల్లిదండ్రులు కన్నీరుమున్నీరవుతున్నారు.
