భద్రాద్రికొత్తగూడెం, వెలుగు : వాహనాల దొంగల ముఠాను కొత్తగూడెం వన్ టౌన్ పోలీసులు శనివారం పట్టుకున్నారు. కేసు వివరాలను సీఐ కరుణాకర్ వివరించారు. కొత్తగూడెం బస్టాండ్ సెంటర్లో వెహికిల్స్తనిఖీ చేస్తుండగా, కారులో అనుమానాస్పదంగా కనిపించిన ఏడుగురిని అదుపులోకి తీసుకొని విచారించామన్నారు. విచారణలో ఆ ఏడుగురు వెహికిల్స్ దొంగలించే ముఠాగా గుర్తించామన్నారు.
వీఎం బంజర, పెనుబల్లికి చెందిన గోపి, శ్రీను అనే ఇద్దరు వ్యక్తులు చుంచుపల్లి మండలంలోని విద్యానగర్ కాలనీలో కొంతకాలంగా నివాసం ఉంటున్నారని తెలిపారు. వీఎం బంజరకు చెందిన ముత్తారావు, శివరాం, కోటయ్య, గద్దల శివ, లక్ష్మణ్రావులతో కలిసి వీరు ముఠాగా ఏర్పడి వెహికిల్స్ దొంగతనాలకు పాల్పడుతున్నారన్నారు. వీరి వద్ద నుంచి కారు, మూడు ఆటోలు, బైక్ స్వాధీనం చేసుకున్నారు. ఏడుగురిపై కేసు నమోదు చేసి రిమాండ్కు తరలించారు.
