చెన్నై: తనతో పెండ్లికి అంగీకరించలేదని ఓ ప్రభుత్వ స్కూల్ టీచర్ను దుండగుడు కత్తితో పొడిచి చంపేశాడు. మెడపై లోతైన గాయాలైన ఆమెను ఆస్పత్రికి తరలిస్తుండగా ప్రాణాలు కోల్పోయింది. తమిళనాడులోని తంజావూరులో గురువారం ఈ దారుణం జరిగింది. జిల్లాలోని మల్లిపట్టణం ప్రభుత్వ స్కూళ్లో రమణి(26) టీచర్గా పనిచేస్తున్నారు. ఇటీవల రమణి కుటుంబ సభ్యులతో మదన్(30) అనే యువకుడి కుటుంబం పెండ్లి గురించి చర్చలు జరిపింది. అయితే, వీళ్లిద్దరి మధ్య సంబంధం కుదరలేదు. తమ పెండ్లి ప్రపోజల్ను రమణి తిరస్కరించిందని మదన్ కోపం పెంచుకున్నాడు. బుధవారం స్కూలు వద్దకు వచ్చి కత్తితో దాడి చేశాడు. దీంతో కుప్పకూలిన రమణిని తోటి టీచర్లు ఆస్పత్రికి తరలిస్తుండగా మార్గమధ్యలో చనిపోయారు. పోలీసులు మదన్ను అరెస్ట్ చేసి దర్యాప్తు చేపట్టారు. రాష్ట్ర విద్యాశాఖ మంత్రి అన్బిల్ మహేశ్ ఘటనను ఖండించారు.
