మహబూబ్ నగర్ టౌన్, వెలుగు: తెలంగాణ ఉద్యమకారుడు, మాజీ కేంద్ర మంత్రి గడ్డం వెంకటస్వామి 9వ వర్ధంతి, మాలమహానాడు వ్యవస్థాపక అధ్యక్షుడు పీవీ రావు 18వ వర్ధంతి సందర్భంగా వారికి మాలమహానాడు ఆధ్వర్యంలో ఘనంగా నివాళులు అర్పించారు. శుక్రవారం జిల్లా కేంద్రంలో వారి ఫొటోలుకు పూలమాలలు వేసి శ్రద్ధాంజలి ఘటించి వారి సేవలను కొనియాడారు. మాల మహానాడు రాష్ట్ర అధ్యక్షుడు మంత్రి నర్సింహయ్య, ఉమ్మడి జిల్లా అధ్యక్షుడు కానుగడ్డ యాదయ్య తదితరులు పాల్గొన్నారు.
కొల్లాపూర్: మండలంలోని పెంట్లవెల్లి మండల కేంద్రంలో మాల మహానాడు, మాలల చైతన్య సమితి ఆధ్యర్యంలో పీవీ రావు వర్ధంతిని నిర్వహించారు. ఆయన ఫొటోకు పూలమాల వేసి నివాళులు అర్పించారు. సంఘం ఉమ్మడి రాష్ట్ర కమిటీ సభ్యుడు మూలె మేఘరాజ్, రామదాసు, ఎర్ర శ్రీనివాసులు, మూలె రాముడు, బిజ్జ వెంకటేశ్, మూలె చిరంజీవి, మూలె గోపాలకృష్ణ, బోడ చెన్నకేశవులు, మూలె శివశంకర్, బోడ శేఖర్, ఏటూరి రామకృష్ణ, రమణ, రవి పాల్గొన్నారు.
