- మీర్పేటలో చోరీ
బడంగ్ పేట, వెలుగు: మీర్ పేట పీఎస్ పరిధిలోని ఓ ఇంట్లో చోరీ జరిగింది. మీర్ పేట్ ప్రశాంతి హిల్స్ లో ఉండే రాసోజు మోహన్ కుటుంబసభ్యులతో కలిసి ఈనెల 25న మల్కాజిగిరిలో బంధువుల ఇంటికి వెళ్లాడు. మంగళవారం ఉదయం ఇంటికి వచ్చేసరికి తాళం పగలగొట్టి ఉంది. బీరువాలో రూ.ఐదు లక్షలతో పాటు నాలుగు తులాల బంగారం, రెండు తులాల వెండి కనిపించలేదు. పోలీసులు సీసీ టీవీ ఫుటేజీలు పరిశీలించగా ఇద్దరు యువకులు చోరీ చేసినట్లు తేలింది. కేసును మీర్ పేట్ పోలీసులు దర్యాప్తు చేస్తున్నారు.
