న్యూఢిల్లీ: దేశ రాజధాని ఢిల్లీలో పట్టపగలే భారీ చోరీ జరిగింది. బైక్ లపై వచ్చిన నలుగురు దుండగులు ఓ కారును ఆపి రూ.2 లక్షలు ఉన్న బ్యాగ్ ను ఎత్తుకెళ్లారు. సినిమా స్టోరీని తలపించేలా ఉన్న ఈ సన్నివేశం ఆదివారం నాడు ప్రగతి మైదాన్ టన్నెల్ లో చోటుచేసుకుంది. అక్కడున్న సీసీటీవీ కెమెరాలలో ఇదంతా రికార్డయింది.
ఈ వీడియోను ట్వీట్ చేస్తూ ఢిల్లీ సీఎం అర్వింద్ కేజ్రీవాల్ కేంద్ర ప్రCiభుత్వం, ఎల్జీపై విమర్శలు గుప్పించారు. ఎల్జీ వీకే సక్సేనా రాజీనామా చేసి మరో సమర్థుడైన ఎల్జీ నియామకానికి తోడ్పడాలని చెప్పారు. ఢిల్లీలో శాంతిభద్రతలను కాపాడడం చేతకాకపోతే ఆ బాధ్యతను ఆప్ సర్కారుకు అప్పగించాలని, ప్రజల రక్షణ బాధ్యతలను ఎలా నిర్వర్తించాలో చేసి చూపిస్తామని ఛాలెంజ్ చేశారు.
ALSO READ:నల్లగొండ ఫ్రూట్ మార్కెట్లో పేలుడు.. ఇద్దరు మృతి
అసలేం జరిగిందంటే..
ఢిల్లీ రెడ్ ఫోర్ట్ ఏరియాకు చెందిన డెలివరీ ఏజెంట్ ఒకరు గురుగ్రామ్ లో క్యాష్ ఇచ్చి వచ్చేందుకు ఓలా క్యాబ్ బుక్ చేసుకున్నాడు. కస్టమర్ కు అందజేయాల్సిన రూ.2 లక్షల నగదును ఓ బ్యాగులో సర్దుకుని సహాయకుడితో కలిసి కారు లో బయలుదేరాడు. ప్రగతి మైదాన్ టన్నెల్లోకి ఎంటరైన కాసేపటికి 2 బైకులపై వెనకే వచ్చిన నలుగురు దుండగులు కారును ఆపారు. గన్ చూపించి బెదిరిస్తూ డెలివరీ ఏజెంట్ దగ్గరి నుంచి బ్యాగ్ లాక్కొని బైక్ లపై పరారయ్యారు. సినిమా సన్నివేశాన్ని తలపించేలా ఇదంతా క్షణాలలో జరిగిపోయింది. ఈ ఘటనకు సంబంధించిన వీడియో సోషల్ మీడియాలో వైరల్గా మారింది. ఢిల్లీ సీఎం కేజ్రీవాల్ ఈ వీడియోను ట్వీట్ చేస్తూ.. ఎల్జీ వీకే సక్సేనా రాజీనామా చేయాలని డిమాండ్ చేశారు. కాగా, ఈ దోపిడీపై పోలీసులు స్పందిస్తూ.. డెలివరీ సంస్థ ఫిర్యాదుతో కేసు నమోదు చేసుకుని దర్యాప్తు ప్రారంభించామని తెలిపారు.
