న్యూఢిల్లీ: ఎంబీబీఎస్‌ సహా యూజీ- వైద్య విద్యాకోర్సుల్లో అడ్మిషన్ల కోసం నిర్వహించే నేషనల్ ఎలిజిబిలిటీ కమ్ ఎంట్రన్స్ ఎగ్జామ్ టెస్ట్ (NEET) పరీక్ష విధానంలో నేషనల్ టెస్టింగ్ ఏజెన్సీ (NTA) కీలక మార్పులు చేసింది. నీట్-2025 పరీక్షను కంప్యూటర్ బేస్డ్ టెస్ట్ (సీబీటీ) విధానంలో కాకుండా పెన్ అండ్ పేపర్ (ఓఎంఆర్) పద్దతిలో నిర్వహిస్తామని ఎన్టీఏ వెల్లడించింది. ఒకే రోజు, ఒకే ఫిష్ట్లో దేశమంతటా నీట్ 2025 ఎంట్రెన్స్ పరీక్ష నిర్వహిస్తామని స్పష్టం చేసింది. నేషనల్ మెడికల్ కమిషన్ మార్గదర్శకాల మేరకు ఈ నిర్ణయం తీసుకున్నట్లు ఎన్టీఏ స్పష్టం చేసింది.
ALSO READ | మీకు కోడింగ్ లో దమ్ముంటే.. కోటీశ్వరులను చేస్తా : ఎలన్ మస్క్ ఓపెన్ ఆఫర్
కాగా, గతేడాది నీట్ పరీక్ష పత్రాల లీకేజీ తీవ్ర దుమారం రేపిన విషయం తెలిసిందే. గత అనుభవాల దృష్ట్యా ఈ సారి అలాంటి ఘటనలు చేసుకోకుండా ఎన్టీఏ పకడ్బందీ చర్యలు తీసుకుంటుంది. ఇందులో భాగంగానే పరీక్ష నిర్వహణలో కీలక మార్పులు చేపట్టింది. ఇక, నీట్ 2025 ఎగ్జామ్ రిజిస్ట్రేషన్ తేదీ, ఎగ్జామ్ డేట్లను ఎన్డీఏ ఇంకా వెల్లడించలేదు. గత ఏడాది మాదిరిగానే.. ఫిబ్రవరి చివర్లో లేదా.. మార్చి తొలివారం అప్లికేషన్లు మొదలు అయ్యే అవకాశం ఉంది. దీనిని ఎన్టీఏ ధృవీకరించలేదు. త్వరలోనే పరీక్ష షెడ్యూల్ను విడుదల చేస్తామని తెలిపింది.
