- నారాయణపేట మరికల్ మండలంలో ఘటన
- నాగర్ కర్నూల్ అడవుల్లో వదిలేసిన అధికారులు
మరికల్/లింగాల, వెలుగు : నారాయణపేట జిల్లా మరికల్ మండలంలోని రాకొండ గ్రామం సమీపంలో గుట్టల్లో సంచరిస్తున్న చిరుతపులి అటవీ శాఖ అధికారులు ఏర్పాటు చేసిన బోనులోచిక్కింది. పొలాల మధ్య చిరుత తిరుగుతుండడంతో రైతులు భయంభయంగా గడిపారు. గ్రామస్తుల విజ్ఞప్తి మేరకు అటవీ అధికారులు శుక్రవారం చిరుత సంచరిస్తున్న ప్రాంతంలో బోను ఏర్పాటు చేశారు. ఆదివారం చిరుత బోనులో చిక్కింది. అనంతరం ప్రత్యేక వాహనంలో చిరుతను తరలించారు. నాగర్కర్నూల్ జిల్లా లింగాల మండలం అప్పాయిపల్లి బేస్ క్యాంప్ సమీపంలో గోర్జా గుండాల వద్ద చిరుతను వదిలిపెట్టారు. డీఎఫ్ఓ వీణవాణి, ఎఫ్ఆర్ఓ నారాయణరావు, ఎస్ఐ హరిప్రసాద్రెడ్డి చిరుత తరలింపును పర్యవేక్షించారు.
