- ఔటర్పై లారీ బీభత్సం.. ముగ్గురు మృతి
- డివైడర్ దాటుకొని రెండు వెహికల్స్ ను ఢీకొట్టిన లారీ
- ముగ్గురు మృతి.. ఇద్దరికి గాయాలు.. శామీర్పేట వద్ద ఘోరం
- ఈసీఐఎల్లో మరో ప్రమాదం.. ఒకరు మృతి
శామీర్ పేట, వెలుగు: ఔటర్ రింగ్ రోడ్(ఓఆర్ఆర్)పై ఓవర్ స్పీడ్తో అదుపుతప్పిన ఓ లారీ బీభత్సం సృష్టించింది. డివైడర్ను దాటుకొని వెళ్లి ఎదురుగా వచ్చే రెండు వెహికల్స్ను ఢీకొట్టడంతో ముగ్గురు చనిపోయారు. మరో ఇద్దరు గాయపడ్డారు. సోమవారం శామీర్ పేట సమీపంలో ఓఆర్ఆర్‌‌‌‌‌‌‌‌పై ఈ ప్రమాదం జరిగింది. రంగారెడ్డి జిల్లా ఇబ్రహీంపట్నం మండలం రాయపోలుకు చెందిన వనమల్ల నర్సింహా(48), బీహార్కు చెందిన క్లీనర్ హమాలీ సుభాష్ పాశ్వాన్(27)తో కలిసి ఉదయం 7 గంటలకు బొలెరో వెహికల్లో మేడ్చల్ వైపు వెళ్తున్నారు.
మహబూబ్ నగర్ జిల్లా బాలానగర్కు చెందిన నల్లబోతుల వినయ్(22) లారీ డ్రైవ్ చేస్తూ మేడ్చల్ వైపు వస్తున్నాడు. ఓవర్ స్పీడ్తో వెళ్తున్న లారీ శామీర్పేట సమీపంలోకి రాగానే అదుపు తప్పి డివైడర్ను దాటుకొని వెళ్లి ఎదురుగా వస్తున్న నర్సింహాకు చెందిన బొలెరో వెహికల్ను, మరో కారును ఢీకొట్టింది. ప్రమాదంలో లారీ డ్రైవర్ వినయ్, నర్సింహా, సుభాష్ పాశ్వాన్ అక్కడికక్కడే మృతిచెందారు. మరో కారులో ఉన్న కరీంనగర్కు చెందిన కిశోర్ రెడ్డి, నాగులు గాయపడ్డారు. కేసు ఫైల్ చేసి దర్యాప్తు చేస్తున్నట్లు పోలీసులు తెలిపారు.
ALSO READ:ఆ 12 మందిలో 11 మందికి .. టికెట్ కన్ఫామ్!
కారు డోర్ తగిలి బైకర్ మృతి
కుషాయిగూడ: నిర్లక్ష్యం.. ఒక వ్యక్తి ప్రాణాన్ని బలితీసుకున్న ఘటన సోమవారం కుషాయిగూడలో చోటుచేసుకుంది. సైనిక్పురికి చెందినసురేశ్(57) మొబైల్ రిపేర్ కోసం బైక్పై ఈసీఐఎల్ వెళ్లారు. జగదీశ్ అనే వ్యక్తి ఈసీఐఎల్ సాయిబాబా దేవాలయం వద్ద మెయిన్ రోడ్పై కారు ఆపి సడెన్గా డోర్ ఓపెన్చేశాడు. వెనుక నుంచి బైక్పై వస్తున్న సురేశ్కు డోరు తగిలి కిందపడ్డాడు. తీవ్రంగా గాయపడిన ఆయన్ను సమీపంలోని ప్రైవేటు హాస్పిటల్కు తరలించారు. పరీక్షించిన డాక్టర్లు తలకు తీవ్రగాయాలు కావడంతో సురేశ్ అప్పటికే మృతిచెందాడని తెలిపారు.
