హైదరాబాద్ కూకట్ పల్లిలో కత్తిపోట్ల ఘటన కలకలం రేపింది. పార్కింగ్ విషయంలో గొడవ పడ్డ జగ్ జ్యోత్ సింగ్ అనే వ్యక్తి.. మరో ఇద్దరు వ్యక్తులు అవినాష్, నవీన్ పై కత్తితో దాడి చేశాడు. ఈ దాడిలో ఇద్దరికి తీవ్ర గాయాలయ్యాయి.
వాహనాన్ని పక్కకు తీయమన్నందుకు.. ఇద్దరి మధ్య తలెత్తిన వివాదం దాడికి దారి తీసింది. ఈ ఘటనలో గాయపడ్డ ఇద్దరిని స్థానికులు ఆస్ప్రత్రికి తరలించారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. నిందితుడు జగ్ జ్యోత్ కోసం గాలిస్తున్నారు.
