- కుత్బుల్లాపూర్లో ఘటన
జీడిమెట్ల, వెలుగు: జీడిమెట్ల పరిధిలోని కుత్బుల్లాపూర్లో ఓ యువకుడు దారుణ హత్యకు గురయ్యాడు. కడప జిల్లా తొండూరు మండలం గోటూరుకు చెందిన శివ కుమార్రెడ్డి (26) ఉపాధి కోసం సిటీకి వచ్చి కుత్బుల్లాపూర్లోని అయోధ్యనగర్లో మరో వ్యక్తితో కలిసి అద్దెకు ఉంటున్నాడు. ఉబర్, ఓలాలో టూ వీలర్ రైడర్గా పనిచేస్తూ జీవనం సాగిస్తున్నారు. తోటి రూమ్మెట్ బుధవారం నైట్ డ్యూటీకి వెళ్లగా, శివ ఒక్కడే ఒంటరిగా పడుకున్నాడు.
గురువారం ఉదయం ఎంత సేపటికి ఇంట్లో నుంచి బయటకు రాకపోవడంతో.. ఇంటి ఓనర్ స్థానికుల సహాయంతో తలుపులు పగలగొట్టి చూడగా, ఫ్యాన్కు వేలాడుతూ కన్పించాడు. సంఘటనాస్థలానికి చేరుకున్న జీడిమెట్ల పోలీసులు క్లూస్టీంతో ఆధారాలు సేకరించారు. తలకు మంకీ క్యాప్, నోరు, కాళ్లుచేతులు కట్టేసి యువకుడిని హత్య చేసినట్లు గుర్తించారు. బాధిత కుటుంబసభ్యుల ఫిర్యాదుతో కేసు నమోదు చేసిదర్యాప్తు చేస్తున్నారు. నిందితుల కోసం గాలిస్తున్నారు.
