- భువనగిరిలో లారీ మెకానిక్ గా పని చేస్తున్న మృతుడు
- డెడ్ బాడీపై తీవ్రగాయాలు..మర్డర్ గా కేసు నమోదు
యాదాద్రి, వెలుగు : బిహార్కు చెందిన వ్యక్తి యాదాద్రి జిల్లాలో హత్యకు గురయ్యాడు. భువనగిరి టౌన్ఎస్ఐ కుమారస్వామి తెలిపిన వివరాలు ఇలా ఉన్నాయి. బిహార్లోని సీతామర్హి జిల్లా బహిరి గ్రామానికి చెందిన ఎండీ శంషే ఆలం(22) భువనగిరిలోని లారీ మెకానిక్ కరీముల్లా వద్ద పని చేస్తున్నాడు. అక్కడే పనిచేసే తన గ్రామానికి చెందిన జమీల్ అక్తర్తో కలిసి ఒకే రూమ్ లో ఉంటున్నాడు. ఆదివారం అర్ధరాత్రి షంశే ఆలం రూమ్ లో ఎవరికి చెప్పకుండా బయటకు వెళ్లిపోయాడు. నల్గొండ రోడ్కు కొద్ది దూరంలో యువకుడి డెడ్ బాడీ ఉందని మిర్చీ వ్యాపారి షేక్మీరావలి పోలీసులకు సమాచారం అందించాడు.
తోటి మెకానిక్జమీల్అక్తర్అక్కడికి వెళ్లి చూసి చనిపోయిన వ్యక్తి తమతో పాటు ఉండే షంశే ఆలంగా గుర్తించాడు. పోలీసులు డెడ్ బాడీని పరిశీలించారు. మృతుడి తల, నుదురు, కనుబొమ్మలపై ఇనుప రాడ్తీవ్రంగా కొట్టినట్టుగా గాయాలు కన్పించాయి. దీంతో ఆలంను హత్య చేసి డెడ్ బాడీని పడేసినట్టుగా పోలీసులు అనుమానిస్తున్నారు. పోలీసులు కేసు నమోదు చేసి అతడితో పాటు పని చేసే వ్యక్తులను పిలిచి విచారిస్తున్నారు. బిహార్లోని మృతుడి కుటుంబీకులకు సమాచారం అందించారు.
