చెన్నై: కోర్టు ఎదుటే నడిరోడ్డుపై న్యాయవాదిని కొడవలితో నరికాడు ఓ వ్యక్తి. చుట్టూ అందరూ చూస్తుండగానే జరిగిన ఈ పాశవిక దాడి దృశ్యాలు సోషల్ మీడియాలో వైరల్ అయ్యాయి. తల, ముఖంపై తీవ్ర గాయలైన బాధితుడిని ఆస్పత్రికి తరలించారు. అతని పరిస్థితి సీరియస్గా ఉంది. ఈ ఘోరం బుధవారం తమిళనాడులో కృష్ణగిరి జిల్లా కేంద్రంలో జరిగింది. బాధితుడిని కన్నన్గా గుర్తించారు. కొడవలిలో దాడికి పాల్పడిన నిందితుడిని ఆనంద్ కుమార్ను పోలీసులు అరెస్టు చేశారు. వ్యక్తిగత శత్రుత్వమే ఈ దాడికి కారణమని తెలిపారు. కన్నన్ వద్ద ఆనంద్ కుమార్ అసిస్టెంట్గా పనిచేసేవాడు.
కొన్నాళ్ల కింద వీరి మధ్య గొడవలు జరిగాయి. విషయం పోలీసు స్టేషన్, కోర్టు వరకు వెళ్లింది. అక్కడ రాజీ చేసుకున్నారు. అయితే ఆనంద్ ఉన్నట్టుండి కన్నన్పై ఇలా కొడవలితో దాడికి పాల్పడ్డాడు. ఈ దాడిపై న్యాయవాదులు కోర్టు ప్రాంగణంలో తీవ్ర ఆందోళన వ్యక్తంచేశారు. డాక్టర్ల భద్రత కోసం చట్టం తీసుకొచ్చినట్టు న్యాయవాదుల రక్షణకు కూడా ఓ చట్టం చేయాలని డిమాండ్‌ చేశారు.
