జవహర్ నగర్, వెలుగు: కూల్డ్రింక్ఆశ చూపి ఐదేండ్ల చిన్నారిపై వలస కూలీ అత్యాచారానికి పాల్పడిన ఘటన జవహర్నగర్పోలీస్స్టేషన్ పరిధిలో జరిగింది. పోలీసులు, బాధితురాలి కుటుంబ సభ్యులు తెలిపిన వివరాల ప్రకారం.. ఉత్తర్ప్రదేశ్కు చెందిన దంపతులు ఆరేండ్లుగా జవహర్ నగర్లో ఉంటున్నారు.
స్థానికంగా కూలి పనులకు వెళ్తున్నారు. వీరికి ఐదేండ్ల పాప ఉంది. ప్రస్తుతం స్థానిక స్కూల్లో యూకేజీ చదువుతోంది. వైర్ల కంపెనీలో పనిచేసే యూపీకి చెందిన పరమేశ్(30) వీరి ఇంటికి సమీపంలోనే ఉంటున్నాడు. తాగుడుకు బానిసవ్వడంతో వైర్ల కంపెనీ యజమాని పనిలో నుంచి తీసేశాడు.
కాగా, ఆదివారం ఇంటి బయట ఆడుకుంటున్న చిన్నారికి కూల్ డ్రింక్ కొనిస్తానని ఆశచూపి పరమేశ్సమీపంలోని నిర్మానుష ప్రాంతానికి తీసుకువెళ్లి అత్యాచారానికి పాల్పడ్డాడు. తర్వాత పాపను అక్కడే వదిలేసి పారిపోయాడు. పని నుంచి ఇంటికి వచ్చిన తల్లిదండ్రులు పాప పరిస్థితిని గమనించి పోలీసులకు ఫిర్యాదు చేశారు. పాపను హాస్పిటల్కు తరలించారు. నిందితుడిపై పోక్సో యాక్ట్కింద కేసు నమోదు చేసినట్లు పోలీసులు తెలిపారు.
