ఎల్ బీనగర్,వెలుగు: మద్యం తాగొద్దని కుటుంబసభ్యులు మందలించడంతో ఓ వ్యక్తి బిల్డింగ్ పై నుంచి దూకి ఆత్మహత్యాయత్నానికి యత్నించాడు. చైతన్యపురి పోలీసులు తెలిపిన ప్రకారం.. సైదాబాద్ కు చెందిన తాళ్లపల్లి రమేశ్కు రోజూ మద్యం తాగే అలవాటు ఉంది. దీంతో అతడిని మద్యం తాగొద్దని భార్యాపిల్లలు మందలించేవారు. శుక్రవారం ఉదయం కూడా రమేశ్మద్యం తాగాడు.
దీంతో మరోసారి మందలించగా మనస్తాపం చెందిన అతడు చైతన్యపురిలోని విద్యుత్ నగర్ కాలనీలో నిర్మాణంలో ఉన్న 3 అంతస్తుల బిల్డింగ్ పైకి ఎక్కాడు. అక్కడి నుంచి దూకుతానని చెప్పడంతో స్థానికులు పోలీసులకు సమాచారం అందించారు. వెంటనే వెళ్లిన పోలీసులు రమేశ్ను మభ్యపెట్టి చాకచక్యంగా కిందకు దించి ప్రాణాలు కాపాడారు.
