అల్వాల్, వెలుగు : మద్యం తాగేందుకు రూ.50 అడిగిన వ్యక్తిని కొట్టి చంపిన ఘటన మేడ్చల్–మల్కాజిగిరి జిల్లా అల్వాల్పోలీస్స్టేషన్పరిధిలో జరిగింది. పోలీసులు తెలిపిన వివరాల ప్రకారం.. మచ్చ బొల్లారం ఏరియాకు చెందిన సురేశ్(45) వృత్తిరీత్యా పెయింటర్. ఇటీవల మద్యానికి బానిసయ్యాడు. ఇతనికి వరుసకు సోదరుడైన అల్వాల్లోని సూర్యానగర్కు చెందిన భరత్(24) ఈ నెల 13 రాత్రి మచ్చబొల్లారం మీదుగా వెళ్తుండగా, సురేశ్కలిశాడు.
తాను మద్యం తాగేందుకు వచ్చానని, రూ.50 తక్కువయ్యాయని, ఇస్తే తాగేసి వెళ్తానని చెప్పాడు. తనను తరచూ పైసలు ఎందుకు అడుగుతున్నావంటూ భరత్ కోప్పడ్డాడు. ఈ క్రమంలో మాటామాట కొట్లాటకు దిగారు. భరత్సురేశ్ముఖం, తలపై కొట్టడంతో తీవ్రంగా గాయపడ్డాడు. స్థానికులు, కుటుంబ సభ్యులు సురేశ్ను గాంధీ ఆసుపత్రికి తరలించారు. చికిత్స పొందుతూ గురువారం మృతి చెందాడు. ఈ ఘటనపై అల్వాల్ పోలీసులు కేసు నమోదు చేసి దర్యాప్తు చేస్తున్నారు.
