నిజాంపేట, వెలుగు : బతుకుదెరువు కోసం కువైట్ వెళ్లిన మెదక్ జిల్లా యువకుడు ప్రమాదవశాత్తు మృతి చెందాడు. కుటుంబ సభ్యులు తెలిపిన వివరాల ప్రకారం... నిజాంపేట మండల పరిధిలోని నందిగామ గ్రామానికి చెందిన పాపయ్యగారి బాబు ( 30 ) ఆరేళ్ల కింద కువైట్ వెళ్లాడు. అక్కడ కోకాకోలా కంపెనీలో వాటర్ మ్యాన్ గా పనిచేస్తున్నాడు.
బాబు మూడు రోజుల క్రితం తాను నివాసం ఉంటున్న గదిలోని బాత్ రూమ్ లో జారి పడ్డాడు. ఈ ప్రమాదంలో అతనికి తీవ్ర గాయాలయ్యాయి. బాధితుడిని అతని సహోద్యోగులు హాస్పిటల్ లో చేర్పించగా అక్కడ చికిత్స పొందుతూ బుధవారం రాత్రి చనిపోయాడు. మృతునికి భార్య, ముగ్గురు కొడుకులు ఉన్నారు. బాబు డెడ్ బాడీని స్వదేశానికి తరలించే ఏర్పాట్లు చేస్తున్నామని కంపెనీ యాజమాన్యం తెలిపిందని కుటుంబ సభ్యులు చెప్పారు.
