సికింద్రాబాద్, వెలుగు: నడుస్తున్న కారులో మంటలు చెలరేగిన ఘటన బేగంపేట ఫ్లై ఓవర్పై శనివారం అర్ధరాత్రి జరిగింది. ఈసీఐఎల్ పరిధిలోని దమ్మాయిగూడకు చెందిన రవీందర్ దంపతులు సాఫ్ట్ వేర్ ఇంజినీర్లు. ఎప్పటిలాగే హైటెక్ సిటీలో ఇద్దరు డ్యూటీకి వెళ్లి వస్తుండగా, బేగంపేట ఫ్లైఓవర్పైకి రాగానే కారు ఇంజన్నుంచి పొగలు వస్తున్నట్లు గుర్తించారు.
వెంటనే రవీందర్ కారును పక్కకు ఆపి బానెట్లేపి చూడగా ఒక్కసారిగా మంటలు చెలరేగాయి. దీంతో తన భార్యను బయటకు దింపి డయల్100కు కాల్ చేశారు. పోలీసులు, ఫైర్సిబ్బంది సంఘటనా స్థలానికి చేరుకొని మంటలు ఆర్పివేశారు.
