- ఒకే కుటుంబానికి చెందిన 8 మంది మృతి
హర్దోయ్ (యూపీ): ఉత్తరప్రదేశ్ లో విషాదం చోటు చేసుకుంది. ఇంటి బయట నిద్రిస్తున్న వారిపై ఇసుక లారీ బోల్తా పడటంతో ఒకే కుటుంబానికి చెందిన 8 మంది చనిపోయారు. బుధవారం తెల్లవారుజామున ఈ ప్రమాదం జరిగింది. బాధితులపై ఇసుక పడగానే వారిని రక్షించేందుకు స్థానికులు ప్రయత్నించారు. కానీ, ఆ ప్రయత్నాలన్ని విఫలమయ్యాయి. వెంటనే బుల్డోజర్ సహాయంతో ఇసుకను తొలగించి మృతదేహాలను వెలికి తీశారు.
ఈ ప్రమాదంలో మరో ఐదేండ్ల చిన్నారికి గాయాలయ్యాయి. దీంతో ఆమెకు చికిత్సను అందించేందు కు హాస్పిటల్ కు తీసుకెళ్లారు. ఈ ప్రమా దంపై పోలీసులు కేసును నమోదు చేశారు. ట్రక్ ను సీజ్ చేసి డ్రైవర్ ను అదుపులోకి తీసుకున్నారు. దర్యాప్తును కొనసాగిస్తున్నామని తెలిపారు.
