- శామీర్పేటలోని లాల్గడి మలక్పేటలో ఘటన
శామీర్ పేట, వెలుగు: రోజూ తాగి సతాయిస్తుండని ప్రవేటు కంపెనీలో పనిచేసే సెక్యూరిటీ గార్డును.. మరో సెక్యూరిటీ గార్డు హత్య చేసిన ఘటన శామీర్ పేట పీఎస్ పరిధిలో జరిగింది. అస్సాంకు చెందిన ప్రొబిన్ బోరా(41), ఉత్తరప్రదేశ్కు చెందిన అచ్చేలాల్ గుప్తా(43) ఇద్దరూ ఏడాది కాలంగా శామీర్ పేట మండలం లాల్ గడి మలక్పేటలోని హైటెక్ సీడ్ కంపెనీలో సెక్యూరిటీ గార్డులుగా పనిచేస్తున్నారు. వీరిద్దరూ ఒకే రూమ్లో ఉంటున్నారు. ప్రొబిన్ ప్రతిరోజూ తాగొచ్చి అచ్చేలాల్ను తిట్టేవాడు. మందు కావాలని సతాయించేవాడు. షిఫ్ట్ల విషయంలోనూ సహకరించకుండా వేధించేవాడు. ఆదివారం రాత్రి వీరిద్దరి మధ్య గొడవ జరిగింది.
తాగొచ్చిన ప్రొబిన్ కత్తితో అచ్చేలాల్ను బెదిరించాడు. తర్వాత ప్రొబిన్ నిద్రపోయాడు. ప్రొబిన్ తాగొచ్చి వేధిస్తుండటంతో అతడిని హత్య చేయాలని అచ్చేలాల్ డిసైడ్ అయ్యాడు. అదే రోజు అర్ధరాత్రి నిద్రపోతున్న ప్రొబిన్ను.. కత్తితో గొంతు కోసి చంపాడు. దగ్గరలోని వ్యవసాయ బావిలో డెడ్ బాడీ పడేశాడు. తర్వాత అచ్చేలాల్ శామీర్ పేట పీఎస్లో లొంగిపోయాడు. సోమవారం ఉదయం పోలీసులు ప్రొబిన్ డెడ్బాడీని బావిలో నుంచి బయటికి తీయించారు. డెడ్బాడీని గాంధీ హాస్పిటల్కు తరలించారు. ఘటనా స్థలంలో దొరికిన సామగ్రిని క్లూస్ టీమ్ సీజ్ చేసింది. అచ్చేలాల్ను రిమాండ్కు తరలించినట్లు పోలీసులు తెలిపారు.
