మెదక్, వెలుగు : బాధిత కుటుంబానికి న్యాయం చేయాలని పీఎస్ముందు ఆందోళన చేసిన సంఘటన బుధవారం సాయంత్రం మెదక్లో జరిగింది. పట్టణంలోని తారక రామానగర్ లో మంగళవారం సాయంత్రం మాస్టర్ మైండ్స్కూల్బస్కింద పడి అదే స్కూల్ కు చెందిన అనుశ్రీ (6) అనే చిన్నారి మృతి చెందిన సంగతి తెలిసిందే. ఈ నేపథ్యంలో కౌడిపల్లి మండలం ధర్మాసాగర్ గ్రామానికి చెందిన బాధిత కుటుంబ సభ్యులు, గ్రామస్తులు బుధవారం పెద్ద ఎత్తున మెదక్ తరలివచ్చారు.
ప్రమాదానికి స్కూల్ బస్డ్రైవర్నిర్లక్ష్యమే కారణమని అందుకు స్కూల్ మేనేజ్ మెంట్ బాధ్యత వహించి బాధిత కుటుంబానికి న్యాయం చేయాలని పీఎస్ ఎదుట మెయిన్రోడ్డుపై ఆందోళనకు దిగారు. రోడ్డుపై భారీగా ట్రాఫిక్ స్తంభించడంతో టౌన్, సీఐలు దిలీప్ కుమార్, రాజశేఖర్, ఎస్ఐలు పోచయ్య, మహ్మద్ గౌస్ స్కూల్ మేనేజ్ బాధ్యులను పిలిపించి మాట్లాడిస్తామని నచ్చజెప్పి ఆందోళన విరమింపజేశారు.
స్కూల్వద్ద ఏబీవీపీ ధర్నా
అంతకు ముందు మాస్టర్ మైండ్ స్కూల్ ను సీజ్ చేయాలని డిమాండ్ చేస్తూ ఏబీవీపీ ఆధ్వర్యంలో ధర్నా చేశారు. ఈ సందర్భంగా ఏబీవీపీ స్టేట్ జాయింట్ సెక్రటరీ శ్రీనివాస్ గౌడ్ మాట్లాడుతూ అనుశ్రీ మృతికి బస్ డ్రైవర్, క్లీనర్ల నిర్లక్ష్యమే కారణమని ఆరోపించారు. ఇందుకు స్కూల్మేనేజ్మెంట్ పూర్తి బాధ్యత వహించాలని డిమాండ్ చేశారు. అర్హతలు లేని డ్రైవర్లతో స్కూల్ బస్సులు నడిపించడం వల్ల ఇలాంటి దారుణాలు జరుగుతున్నాయన్నారు.
ఈ విషయంలో విద్యాశాఖ అధికారులు ప్రత్యేక దృష్టిపెట్టి నిబంధనలు ఉల్లంఘించే స్కూల్ లపై చర్యలు తీసుకోవాలన్నారు. బాధిత కుటుంబానికి న్యాయం జరుగకుంటే పెద్ద ఎత్తున ఆందోళన చేస్తామన్నారు. కార్యక్రమంలో ఏబీవీపీ స్టేట్ వర్కింగ్ కమిటీ మెంబర్ శశికాంత్, రాష్ట్ర కార్యవర్గ సభ్యులు ఉదయ్, ప్రశాంత్, నాయకులు విజ్ఞాన్, సత్య, నీరజ్, కార్తికేయ పాల్గొన్నారు.
