మాదాపూర్, వెలుగు: మదాపూర్ మైండ్ స్పేస్ లో సాఫ్ట్వేర్ ఉద్యోగి ఆత్మహత్య చేసుకున్నాడు. 12సీ బిల్డింగ్ 13వ ఫ్లోర్ నుంచి కిందకు దూకి స్పాట్లోనే మృతి చెందాడు. గుంటూరు జిల్లా అమరావతి మండలం నెమలికల్లు గ్రామానికి చెందిన నవీన్రెడ్డి (24) ఆరు నెలల కిందట సిటీకి వచ్చాడు. మాదాపూర్లోని ఓ ప్రైవేట్హాస్టల్లో నివాసం ఉంటూ.. మైండ్స్పేస్12సీ బిల్డింగ్లోని ఎన్సీఆర్వోయిక్స్ ఆఫీస్లో పనిచేస్తున్నాడు. రోజు మాదిరిగానే బుధవారం డ్యూటీకి వెళ్లాడు. రాత్రి 8 గంటలకు ఒంటరిగా బిల్డింగ్లోని13వ ఫ్లోర్కు వెళ్లి కిందకు దూకాడు. తీవ్ర గాయాలు కావడంతో స్పాట్లోనే మృతి చెందాడు. విషయం తెలుసుకున్న మాదాపూర్ పోలీసులు సంఘటనా స్థలాన్ని పరిశీలించారు. డెడ్బాడీని పోస్టుమార్టం నిమిత్తం ఉస్మానియా ఆసుపత్రికి తరలించారు. నవీన్రెడ్డి ఆత్మహత్యకు గల కారణాలపై ఆరా తీస్తున్నారు.
