- అసిస్టెంట్ డైరెక్టర్ సిద్ధార్థ్ వర్మ అరెస్ట్
గచ్చిబౌలి, వెలుగు: సినిమాల్లో చాన్స్ ఇప్పిస్తానంటూ సాఫ్ట్వేర్ ఉద్యోగినిపై ఓ అసిస్టెంట్డైరెక్టర్ పలుమార్లు అత్యాచారానికి పాల్పడ్డాడు. బాధితురాలి ఫిర్యాదుతో గచ్చిబౌలి పోలీసులు కేసు నమోదు చేశారు. బుధవారం నిందితుడిని అరెస్ట్చేసి రిమాండుకు తరలించారు. పోలీసులు తెలిపిన వివరాల ప్రకారం.. ఏపీలోని వైజాగ్కు చెందిన సిద్ధార్థ్వర్మ(30) కొండాపూర్ రాఘవేంద్రకాలనీలో ఉంటూ, సినీ ఫీల్డ్లో అసిస్టెంట్డెరెక్టర్ గా పనిచేస్తున్నాడు.
ఇతనికి కొన్ని నెలల కింద పుప్పాలగూడలో ఉంటూ ఐటీ కారిడార్పరిధిలోని ఓ సాఫ్ట్వేర్కంపెనీలో పనిచేస్తున్న అనంతపురానికి చెందిన యువతి పరిచయమైంది. సినిమాల్లో చాన్స్ఇప్పిస్తానంటూ నమ్మబలికాడు. ఓ రోజు డిన్నర్ పేరిట యువతిని తన ఇంటికి రప్పించాడు. కూల్డ్రింక్లో మత్తు మందు కలిపి యువతితో తాగించాడు. స్పృహ కోల్పోయిన ఆమెపై పలుమార్లు అత్యాచారానికి పాల్పడ్డాడు. తర్వాత విషయం తెలుసుకున్న బాధితురాలు సిద్ధార్థ్వర్మపై గచ్చిబౌలి పోలీసులకు ఫిర్యాదు చేసింది. కేసు నమోదు చేసుకున్న పోలీసులు బుధవారం సిద్ధార్థ్ వర్మను అరెస్ట్ చేసి రిమాండ్కు తరలించారు.
