- కరెంట్షాక్తో విద్యార్థిని మృతి
- సిద్దిపేట జిల్లా నాగపురిలో ఘటన
చేర్యాల, వెలుగు : బర్త్డే రోజే కరెంట్షాక్ తో విద్యార్థిని మృతి చెందిన ఘటన సిద్దిపేట జిల్లాలో జరిగింది. పోలీసులు, కుటుంబ సభ్యులు తెలిపిన ప్రకారం.. చేర్యాల మండలం నాగపురి గ్రామానికి చెందిన మజ్జిగ కావ్య(16) గురువారం ఉదయం ఇంట్లో నీటి కోసం బోర్ఆన్చేయడానికి వెళ్లింది. మోటార్కు ఆనుకొని ఉన్న కరెంట్వైరు కట్అయి ఉంది. ప్రమాదవశాత్తూ ఆ వైరు కావ్యకు తగలడంతో కరెంట్ షాక్తో కిందపడి పోయింది. వెంటనే కుటుంబ సభ్యులు చేర్యాల ప్రభుత్వ ఆస్పత్రికి తీసుకెళ్లగా పరీక్షించిన డాక్టర్లు అప్పటికే చనిపోయిందని తెలిపారు. కావ్య స్థానిక స్కూల్ లో టెన్త్ క్లాస్ చదువుతుంది. తల్లిదండ్రుల ఫిర్యాదుతో కేసు నమోదు చేసి దర్యాప్తు చేస్తున్నట్లు ఎస్ఐ నరేశ్తెలిపారు.
