పరిగి, వెలుగు: నీటిలో బ్లీచింగ్ పౌడర్ కలుపుకొని తాగి ఓ విద్యార్థిని ఆత్మహత్యకు యత్నించింది. వికారాబాద్ జిల్లాలోని కులకచర్ల టౌన్ కు చెందిన మధు శాలిని స్థానికంగా కస్తూర్భా స్కూల్ లో ఆరో తరగతి చదువుతోంది. తనకు చదవడం ఇష్టం లేక పలుమార్లు స్కూల్ సిబ్బందిని, తల్లిదండ్రులను ఇబ్బందులు పెట్టింది. అయినా మారుతుందనుకుని మంచిగా చదువుకోవాలని విద్యార్థినికి సూచించారు. అయినా మారకపోగా.. బుధవారం నీళ్లలో బ్లీచింగ్ పౌడర్ కలుపుకొని తాగింది. పాఠశాల సిబ్బందికి తెలియడంతో విద్యార్థిని స్థానిక ప్రభుత్వ ఆస్పత్రికి తీసుకెళ్లారు. అక్కడి నుంచి మెరుగైన వైద్యం కోసం సిటీలోని నిలోఫర్ ఆస్పత్రికి తరలిస్తున్నట్టు తెలిసింది.
