1952 సంవత్సరంలో జయప్రకాశ్ నారాయణ ఆయన భార్య ప్రభావతి దేవితో కలిసి మహబూబ్నగర్ జిల్లాలో భూదాన పర్యటన చేశారు. ఈ సందర్భంగా జయప్రకాశ్ నారాయణ ఉపన్యాసాలకు ప్రభావితమై చాలా మంది భూదానాలు చేశారు. ఈ పర్యటనకు కూడా కేతిరెడ్డి కోదండరామిరెడ్డి ఇన్చార్జిగా వ్యవహరించాడు.
రజతోత్సవ పాదయాత్ర
తెలంగాణలో భూదానోద్యమం ప్రారంభమై 25 సంవత్సరాలు ముగిసిన సందర్భాన్ని పురస్కరించుకొని భూదాన యజ్ఞమండలి ఉపాధ్యక్షుడు జి.మాణిక్యరావు నాయకత్వంలో భూదాన కార్యకర్తల బృందం రజతోత్సవ పాదయాత్ర నిర్వహించారు.
1975, ఏప్రిల్ 18న అప్పటి రాష్ట్రపతి ఫకృద్దీన్ అలీ అహ్మద్ హైదరాబాద్లో భూదాన జ్యోతిని వెలిగించి భూదాన రజతోత్సవాలను ప్రారంభించారు.
భూదాన జ్యోతిని తీసుకుని 1975, ఏపిల్ 19 నుంచి 1976, ఏప్రిల్ 18 వరకు ఈ రజతోత్సవ పాదయాత్ర జరిగింది.
రజతోత్సవ కార్యనిర్వాహక వర్గం
- అప్పటి ఏపీ రాష్ట్ర సీఎం జలగం వెంగళరావు అధ్యక్షతన భూదానోద్యమ రజతోత్సవ కార్యనిర్వాహక వర్గం ఏర్పడింది.
- కార్యనిర్వాహక అధ్యక్షుడు – పి.నరసారెడ్డి (రెవెన్యూ శాఖ మంత్రి)
- కార్యనిర్వాహక కార్యదర్శి – సి.వి.చారి (భూదాన యజ్ఞమండలి ఉపాధ్యక్షుడు)
కార్యక్రమ లక్ష్యాలు
- పంపిణీ కాకుండా మిగిలి ఉన్న భూదాన భూముల పంపిణీ.
- ప్రభుత్వ భూకమతాల చట్టానికి లోబడి భూదానాలు స్వీకరించడం.
- భూదాన్–గ్రామదాన్– గ్రామ స్వరాజ్య సిద్ధాంతాలు, ఆదర్శాలపై ప్రజల్లో చైతన్యం తీసుకురావడం.
- ఇందులో భాగంగానే రాష్ట్రంలో మూడుచోట్ల శిక్షణా శిబిరాలు నిర్వహించారు. వాటిలో తెలంగాణలోని యాదగిరిగుట్ట ఒక శిక్షణా శిబిరం.
- భూదానోద్యమ రజతోత్సవ ముగింపు సమావేశాలు 1976, ఏప్రిల్ 18, 19వ తేదీల్లో తిరుపతిలో జరిగాయి.
- ముగింపు సమావేశంలో అప్పటి ఏపీ ముఖ్యమంత్రి జలగం వెంగళరావు, గవర్నర్ మోహన్లాల్ సుఖాడియా పాల్గొన్నారు.
