- పాకిస్తాన్లో ఓ వ్యక్తిని షూట్ చేసి, ఈడ్చుకెళ్లి ఉరి
పెషావర్: ఖురాన్ను అపవిత్రం చేశాడంటూ పాకిస్తాన్లోని ఒక పర్యాటకుడిని తుపాకీతో కాల్చి చంపి, రోడ్లమీద ఈడ్చుకెళ్లి బహిరంగంగా ఉరితీశారు. పాకిస్తాన్లోని పంజాబ్ ప్రావిన్స్ సియాల్‌‌‌‌‌‌‌‌కోట్కు చెందిన ముహమ్మద్ ఇస్మాయిల్ ఆ దేశంలో టూరిస్ట్ ప్లేస్ అయిన ఖైబర్ పఖ్తుంఖ్వా ప్రావిన్స్లోని స్వాత్ లోయకు పర్యటనకు వెళ్లాడు. గురువారం స్వాత్ జిల్లాలోని మద్యన్ ఏరియాలో అతను ఇస్లాం పవిత్ర గ్రంథం ఖురాన్లో పేజీలను చింపి తగులబెట్టినట్టు ఆరోపణలు వచ్చాయి.
ఈ నేపథ్యంలో ఇస్మాయిల్ను అరెస్టు చేసి పోలీస్స్టేషన్కు తరలించినట్లు స్వాత్ జిల్లా పోలీసు అధికారి జహిదుల్లా చెప్పారు. ఖురాన్ను అవమానించిన వ్యక్తిని పోలీసులు అరెస్టు చేశారని మసీదులు, మార్కెట్లలో లౌడ్స్పీకర్ల ద్వారా ప్రకటించారు. దీంతో వేలమంది పోలీస్స్టేషన్ను చుట్టుముట్టారు. నిందితుడిని తమకు అప్పగించాలని డిమాండ్ చేశారు. స్టేషన్పై దాడికి ప్రయత్నించడంతో పోలీసులు కాల్పులు జరిపారు.
దీంతో ఎమిమిది మంది గాయపడ్డారు. వేల సంఖ్యలో ఉన్న గుంపును పోలీసులు నిలవరించలేకపోయారు. వారు పోలీసులను తీవ్రంగా కొట్టి ఇస్మాయిల్ను లాక్కెళ్లారు. అందరూ చూస్తుండగా కాల్చి చంపి.. మృతదేహాన్ని పట్టణంలోని అన్ని రోడ్లలో లాక్కెళ్లి ఒక చౌరస్తాలో ఉరి వేశారు.
