- మరో పదిమందికి గాయాలు.. పలువురి పరిస్థితి విషమం
ఇస్తాంబుల్: తుర్కియే రాజధాని ఇస్తాంబుల్లో ఘోరం జరిగింది. నగరంలోని ఓ నైట్ క్లబ్లో మంగళవారం భారీ అగ్ని ప్రమాదం జరగ్గా.. 29 మంది మృత్యువాతపడ్డారు. మరో పది మంది గాయాలపాలయ్యారు. ఇందులో పలువురి పరిస్థితి విషమంగా ఉన్నట్టు సమాచారం. వివరాల్లోకెళితే.. పునర్నిర్మాణంలో ఉన్న 16 అంతస్తుల బిల్డింగ్లోని బేస్మెంట్లో మాస్వ్కెరేడ్ నైట్ క్లబ్ ఉన్నది. బిల్డింగ్ పనులు చేస్తున్న సమయంలో అకస్మాత్తుగా మంటలు వ్యాపించాయి.
ఈ భారీ అగ్ని ప్రమాదంలో 29మంది చనిపోయినట్టు అధికారులు తెలిపారు. బాధితుల్లో ఎక్కువ మంది బిల్డింగ్ పునర్నిర్మాణ పనుల్లో ఉన్నవారేనని సమాచారం. సంఘటన స్థలానికి ఫైర్ ఇంజిన్లు చేరుకొని మంటలను అర్పివేశాయి. క్లబ్ యజమానితోపాటు మరో ఐదుగురిని పోలీసులు అదుపులోకి తీసుకొని విచారిస్తున్నారు. ఇస్తాంబుల్ గవర్నర్ దావత్ గుల్ సంఘటనా స్థలానికి చేరుకొని సహాయక చర్యలను పర్యవేక్షిస్తున్నారు.
