జబల్పూర్: మధ్యప్రదేశ్లోని జబల్పూర్ నేతాజీ సుభాష్ చంద్రబోస్ మెడికల్ కాలేజ్ వీడియో ఒకటి నెట్టింట వైరల్ అయింది. ఈ వీడియో చూసిన నెటిజన్లు ఇదెక్కడి దారుణం అని తిట్టిపోస్తున్నారు. ఆ వీడియోలో అసలేం ఉందంటే.. ఫిబ్రవరి 6న జబల్పూర్ నేతాజీ సుభాష్ చంద్రబోస్ మెడికల్ కాలేజ్లో జాతీయ స్థాయి వైద్య సదస్సు జరిగింది. ఈ సదస్సుకు దేశంలోనే పేరుగాంచిన వైద్యులు హాజరయ్యారు. ఈ ఐఎస్ఎస్పీ కాన్ఫరెన్స్ దిగ్విజయంగా ముగిసింది. అయితే.. ఆ రోజు ఆ వైద్య సదస్సుకు వచ్చిన వైద్యుల కోసం వండిన భోజనం బాత్రూం ట్యాప్ వాటర్తో వండారని తెలిసి నెటిజన్లు అవాక్కయ్యారు. ఇందుకు సంబంధించి ఒక వీడియో వైరల్ అయింది.
जबलपुर के सरकारी मेडिकल कॉलेज में राष्ट्रीय स्तर का कॉन्फ्रेंस था, एक वीडियो वायरल हुआ जिससे ऐसा लग रहा है कि खाना शौचालय में लगे नल के पानी से बना, प्रशासन का कहना है इस पानी से सिर्फ बर्तन धुले, जांच के आदेश दिए गए हैं pic.twitter.com/gl3CP88v6r
— Anurag Dwary (@Anurag_Dwary) February 11, 2025
ఆ వీడియోలో కనిపించిన దృశ్యాల్లో ఏముందంటే.. ఒక రబ్బర్ పైపును బాత్రూంలోని ట్యాప్కు అమర్చారు. ఆ పైప్ బాత్రూం నుంచి వంటలు చేస్తున్న వాళ్ల వరకూ కనిపించింది. ఆ నీళ్లతోనే పాత్రలు కడుగుతున్నారు. ఆ నీళ్లతోనే ఎసరు పోస్తున్నారు. వంటంతా ఆ నీళ్లతోనే చేశారు. ఈ వీడియో వైరల్ కావడంతో కాలేజ్ అథారిటీస్ను ఇదేంటని అడగగా.. కేవలం పాత్రలు కడగటానికి మాత్రమే వంటవాళ్లు ఆ నీళ్లను వాడారని చెప్పుకొచ్చారు. చీఫ్ మెడికల్ ఆఫీసర్ డాక్టర్ సంజయ్ మిశ్రా ఈ ఘటనపై దర్యాప్తునకు ఆదేశించారు. ప్రభుత్వ మెడికల్ కాలేజ్లో ఇలా చేయడంపై తీవ్ర విమర్శలు వ్యక్తం అవుతున్నాయి.
