ఫ్లైట్ క్యాబిన్ డోర్⁬ను కాలితో మూసింది

తనకంటే ఎత్తులో ఉన్న ఫ్లైట్ క్యాబిన్ డోర్ ను కాలితో మూసి అందరిని ఆశ్యర్యానికి గురి చేసింది ఓ మహిళ. ఈ ఘటనకు సంబంధించిన వీడియో ఒకటి ఇప్పుడు సోషల్ మీడియాలో వైరల్ గా మారింది. ఇక వివరాల్లోకి వెళ్తే.... ఓ మహిళ ఫ్లైట్ లో ప్రయాణిస్తోంది. ఇంతలో ఆ ఫ్లైట్ ఎయిర్ పోర్టులో ల్యాండ్ అయింది. దీంతో ఫ్లైట్ లో ఉన్న ప్రయాణికులందరూ ఒక్కొక్కరుగా దిగిపోయారు. ఇక ఆ ఫ్లైట్ లో ఆమె ఒక్కతే మిగిలింది. తను కూడా ఫ్లైట్ దిగడానికి సిద్ధమైంది. అందుకోసం ఫ్లైట్ క్యాబిన్ లో నుంచి తన సామాను తీసుకుంది. ఓ చేతిలో బేబీ, మరో చేతిలో లగేజీతో ఉన్న ఆ మహిళ... తనకంటే ఎత్తులో ఉన్న క్యాబిన్ డోర్ ను తన కుడి కాలితో మూసేసింది. దీనికి సంబంధించిన వీడియోను ఫిగెన్ అనే యువతి ట్విట్టర్ లో షేర్ చేసింది. దీంతో ఇప్పుడు ఈ వీడియో సోషల్ మీడియాలో వైరలైంది. ఓ జిమ్నాస్ట్ లా ఆ మహిళ చేసిన ఈ ఫీట్ కు ప్రతి ఒక్కరూ ఫిదా అవుతున్నారు. ఈ వీడియోకి ఇప్పటికే 2 లక్షలకు పైగా వ్యూస్, 7 వేల వరకు లైక్స్ వచ్చాయి. సూపర్, ఎక్సలెంట్, ఇంప్రెస్సివ్ అంటూ నెటిజన్లు ఆమెను తెగ పొగిడేస్తున్నారు.