- ఆస్ట్రేలియాకు పారిపోయేందుకు నిందితుడు ప్రయత్నం
- శంషాబాద్ ఎయిర్పోర్టులో అదుపులోకి తీసుకున్న పోలీసులు
- బాధితురాలు ఛత్తీస్గఢ్కు చెందిన యువతి
సికింద్రాబాద్, వెలుగు: ఫేస్ బుక్లో పరిచయమైన యువతిపై అత్యాచారం చేసి, విదేశాలకు పారిపోయేందుకు రెడీ అయిన యువకుడిని సికింద్రాబాద్మహంకాళి పోలీసులు అరెస్ట్చేశారు. ఇన్స్పెక్టర్ పరశురాం తెలిపిన వివరాల ప్రకారం.. జనగామ జిల్లా గంగాపూర్గ్రామానికి చెందిన బండారం స్వామి(29) ఆస్ట్రేలియాలోని పౌల్ట్రీ కంపెనీలో జాబ్చేస్తున్నాడు. ఇతనికి ఫేస్బుక్లో ఛత్తీస్గఢ్రాజధాని రాయ్పూర్ కు చెందిన యువతి(27) పరిచయమైంది.
కొన్నాళ్లుగా ఆమెతో చాట్చేస్తున్న స్వామి పెండ్లి చేసుకుందామని నమ్మబలికాడు. తాను ఇండియాకు వస్తున్నానని, హైదరాబాద్లో కలుద్దామని చెప్పాడు. అతని మాటలు నమ్మిన యువతి ఈ నెల 3న సిటీకి చేరుకుంది. ఆమెను స్వామి మహంకాళి పోలీస్ స్టేషన్ పరిధిలోని రాహుల్ ఇంటర్నేషనల్ హోటల్ కు తీసుకెళ్లాడు. అక్కడ రెండు రోజులు స్టే చేశారు. ఆ టైంలో స్వామి యువతిపై లైంగిక దాడికి పాల్పడ్డాడు.
అనంతరం తన సొంతూరికి వెళ్లిపోయాడు. అప్పటి నుంచి పెండ్లి ప్రస్తావన తెచ్చిన ప్రతిసారి స్వామి దాటవేస్తూ వచ్చాడు. త్వరలో తిరిగి ఆస్ట్రేలియాకు వెళ్లిపోతున్నాడని తెలుసుకున్న బాధితురాలు ఛత్తీస్గఢ్పోలీసులకు ఫిర్యాదు చేసింది. అక్కడ జీరో ఎఫ్ఐఆర్ నమోదు చేసిన పోలీసులు.. కేసును సికింద్రాబాద్ మహంకాళి పోలీసులకు ట్రాన్స్ఫర్చేశారు. మంగళవారం ఆస్ట్రేలియా వెళ్లేందుకు శంషాబాద్ ఎయిర్పోర్టుకు చేరుకున్న నిందితుడు స్వామిని మహంకాళి పోలీసులు అరెస్ట్ చేశారు.
